Қазақстандық кәсіпқой боксшы Армат Арманұлы (5-1, 4 КО) келесі жекпе-жегінде Авзалбек Құранбаевпен (11-1-1, 8 КО) жұдырықтасады.
Бұл кездесу 20 желтоқсанда Алматыда өтеді және орта салмақтағы WBA Asia чемпиондық белбеуі сарапқа салынады.
«Қазақ жауынгері» мен «Питбуль Тайсон» лақап атымен танымал Құранбаев арасындағы айқас аймақтық деңгейде үлкен қызығушылық тудырып отыр.
Айта кетсек, тәжікстандық боксшы бұған дейін бірінші орта салмақта WBA Asia белбеуін иеленген. Енді ол бір дивизион жоғары көтеріліп, жаңа титулға таласқалы отыр.
Сол кештің басты оқиғасы — қазақстандық Елшат Нығметолла (21-0-2, 8 КО) мен филиппиндік Алвин Камике (11-4, 6 КО) арасындағы титулдық айқас болмақ.
Нығметолла өз WBA Asia титулын жеңіл салмақта қорғайды. Бұл жекпе-жек те аймақтық чемпиондықтың тағдырын шешетін маңызды кездесу болмақ.
