Айқас 9 мамыр күні Ташкент қаласындағы «Хумо Аренада» өтеді. Қарсылас – өзбекстандық Шохжахон Эргашев.
Қазақстандық кәсіпқой боксшы Батыр Жүкембаев (24-1, 17 KO) Өзбекстанда өтетін жекпе-жегіне қатысты пікір білдіріп, жанкүйерлеріне арнайы үндеу жасады.
Боксшы өз мәлімдемесін Instagram парақшасында жариялады:
«Ассалаумағалейкум! Кешегі жаңалықты естідіңіздер, бұйырса, жақсы жекпе-жек болады. Біз барынша дайындалып шығуға тырысамыз. Алла бұйырса дайын болып шығамын. Сіздер қолдаңыздар, сол бізге жеткілікті. Біз өз жұмысымызды істейміз. Алла бұйырса, жақсы, керемет жекпе-жек болады», — деді Жүкембаев.
Жекпе-жек 9 мамыр күні Ташкент қаласындағы «Хумо Аренада» өтеді. Қарсылас – өзбекстандық боксшы Шохжахон Эргашев (26-2, 23 KO).
Айта кетейік, Батыр Жүкембаев соңғы жекпе-жегін 2025 жылдың 5 сәуірінде Астанада өткізіп, британдық Кейн Гарднерді төрешілердің бірауыздан шешімімен жеңді.
Ал Шохжахон Эргашев 2025 жылдың 4 қаңтарында Самарқандта өнер көрсетіп, үндістандық Гурприт Сингхті бірінші раундта нокаутпен ұтты.
