Ол ACA 198 турнирінде жеңіске жетті.
Қазақстандық файтер Кайрат Ахметов (30-2) Грозный қаласында (Ресей) өткен ACA 198 аралас жекпе-жек турнирінде өнер көрсетті.
Ахметов ресейлік спортшы Мансур Хатуевпен (16-5) кездесті. Жекпе-жек жеңіл салмақта өтіп, үш раундқа жоспарланған болатын. Қарсыласу нәтижесінде қазақстандық файтер төрешілердің екіге бөлінген шешімімен жеңіске жетті.
Осылайша, Кайрат Ахметов кәсіби мансабындағы 31-ші жеңісіне қол жеткізсе, Мансур Хатуев алтыншы рет жеңіліс тапты. Айта кетейік, Ахметов ММА ережесі бойынша соңғы рет 2023 жылдың мамыр айында жекпе-жек өткізіп, австралиялық Рис Макларенді (19-9) жеңген еді. Бұл жеңіс Кайрат үшін аралас жекпе-жектегі қатарынан жетінші табысты кездесу болды.
