Елнұр Сүйінбайдың айқасы: Қашан және қайда өтеді?

Қазақстандық боксшы, 2024 жылғы Азия чемпионы Елнұр Сүйінбай кәсіпқой бокстағы екінші айқасын өткізбек. Жекпе-жектің қашан және қайда өтетіні белгілі. Бұл туралы RD Promotion промоутерлік компаниясы хабарлады.

Жекпе-жек қашан өтеді?

Елнұр Сүйінбай (1-0, 0 KO) шаршы алаңға 28 наурыз күні Тараз қаласында шығады.

Қазіргі уақытта қарсыласының есімі ресми түрде жарияланған жоқ. Ұйымдастырушылар алдағы уақытта жекпе-жек картасы толық таныстырылатынын мәлімдеді.

Елнұр Сүйінбай кәсіпқой бокстағы алғашқы кездесуін 2025 жылдың шілде айында Алматыда өткізді. Сол кезде қырғызстандық Жарқынбек Жақыпбек уулуын (1-6, 1 KO) төрешілердің бірауыздан шешімімен жеңіп, кәсіби мансабын сәтті бастаған еді. 

Елнұр Сүйінбайдің жетістіктері

• 2024 жылы Астанада өткен Азия чемпионатында (U22) алтын медаль иеленді
• 2021 жылғы жастар арасындағы әлем чемпионатында күміс жүлдегер атанды.