Қазақ боксының тәжірибелі өкілі Жайна Шекербекова Болгария астанасы Софияда өтіп жатқан 77-ші халықаралық "Странджа" турниріндегі алғашқы жекпе-жегін сенімді жеңіспен аяқтады. Бұл жарысты бокс қауымы "шағын әлем чемпионаты" деп атайды.
Әйелдер арасындағы 54 кг салмақ дәрежесінің 1/8 финалында қазақстандық боксшыға Болгария өкілі Тала Хаббас қарсы тұрды. Үш раунд қорытындысында төрешілер Шекербекованың жеңісін бір ауыздан (5:0) тіркеді.
Шешуші сәт үшінші раундта болды. Рефери Хаббасқа нокдаун санап, эпизод қазақстандықтың басымдығын айқын көрсетті. Осылайша Жайна ширек финалға жолдама алып, турнир қожайындарының өкілін жарыстан шығарды.
Жайна Шекербекова — халықаралық аренада бұрыннан танымал. Ол:
Софиядағы “Странджа” турнирі 1 наурызда мәресіне жетеді. Қазақстан құрамасы бұл жарысқа 39 боксшы (19 ер, 20 әйел) алып келген.
