"Странджа-2026": Қазақстан құрамасы қатарынан үшінші жеңісін тіркеді (ВИДЕО)
77-ші халықаралық "Странджа" турнирінде Қазақстан әйелдер құрамасы екінші жарыс күнін сәтті бастады. Әнел Сақыш Қазақстанға қатарынан үшінші жеңіс сыйлады.
orda.kz
Моңғол қарсыласына нокдаун саналды
Әнел Сақыш әйелдер арасындағы 54 кг салмақ дәрежесінің 1/8 финалында Моңғолия өкілі Энхжаргал Мунгунцэцэгпен жұдырықтасты. Үш раунд қорытындысында төрешілер жеңісті бір ауыздан — 5:0 есебімен қазақстандық боксшыға берді.
Жекпе-жек барысында Сақыштың басымдығы анық байқалды. Екінші раундта рефери моңғол қызына нокдаун есептеді. Нәтижесінде Әнел ширек финалға өтті, ал қарсыласы турнирмен қоштасты.
Қазақстанның екінші күндегі “хет-тригі”
Әнел Сақыштың бұл жеңісі Қазақстан құрамасы үшін екінші күні қатарынан келген үшінші табыс болды. Бұған дейін Жазира Орақбаева (51 кг) мен Жайна Шекербекова (54 кг) жеңіске жеткен.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet