Арман Царукян жанжалды америкалықты тас-талқан етті (ВИДЕО)
Армениялық текті ресейлік файтер Арман Царукян балуан әрі блогер Джорджио Пулласпен қарымта белдесу өткізді.
Instagram/@arm_011
Реванштың нәтижесі қандай болды?
Кездесу АҚШ-тың Тампа қаласындағы RAF 07 турнирі аясында ұйымдастырылды. Белдесу қорытындысы бойынша Арман Царукян қарсыласын 9:3 есебімен сенімді түрде ұтты.
Еске салайық, Царукян мен Пуллас алғаш рет 1 наурызда АҚШ-тың Аризона штатындағы RAF 06 турнирінде кездескен. Сол жолғы белдесу жанжалмен есте қалды.
Арман Царукян 5:3 есебімен жеңіске жеткен еді. Алайда қарсыласының бірнеше мәрте арандату әрекетінен кейін жекпе-жек соңы екі спортшының командалары араласқан жаппай төбелеске ұласты.
Арман Царукянның UFC-дегі орны
Қазір Арман Царукян UFC ұйымының жеңіл салмақтағы рейтингінде екінші орында тұр. Ол титулдық жекпе-жекке басты үміткерлердің бірі саналады.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet