Қазақ боксшысы Еуропада жекпе-жек өткізбек. Қарсылас белгілі

Қазақстандық кәсіпқой боксшы Дәулет Дәукенов (17-2, 8 КО) Еуропада өтетін келесі жекпе-жегінде кімге қарсы шығатынын білді. 

Қарсылас — Словакия өкілі

BoxRec дерегіне сәйкес, Дәукеновтің қарсыласы словакиялық Лукаш Пасторек (4-3, 4 КО) болмақ.

• Өтетін орны: Прага, Чехия
• Күні: 18 сәуір
• Салмақ дәрежесі: жартылай орта салмақ
• Жекпе-жек форматы: 6 раунд

Дәукенов соңғы жекпе-жегін нокаутпен жеңді

Қазақстандық боксшы соңғы рет 2025 жылдың 17 қазанында Алматыда жұдырықтасты. Сол кездесуде ол ирандық Хашаяр Гассемиді (17-8, 16 КО) бірінші раундта нокаутпен жеңіп, жанкүйерлерді қуантқан болатын.

Ал Лукаш Пасторек соңғы жекпе-жегін 2026 жылдың 7 наурызында Чехияның Брно қаласында өткізді. Ол жергілікті боксшы Милош Беранекке мерзімінен бұрын жеңілді. Осылайша, қатарынан төрт нокаутпен жеңіске жеткен сериясы үзілді