Махмұд Сабырхан өзбек боксшысына қарсы камбэк жасады (ВИДЕО)
Махмұд Сабырхан Моңғолия астанасы Ұлан-Баторда өтіп жатқан World Boxing ұйымының Азия чемпионатында жарқын жеңіске жетті.
Instagram/@boxingkazakhstan
Жартылай финалға шықты
55 келіге дейінгі салмақ дәрежесінде сынға түскен отандасымыз ширек финалда өзбекстандық Шахзод Музаффаровпен қолғап түйістірді. Үш раундқа созылған тартысты кездесудің қорытындысында төрешілер шешімімен Сабырхан 3:2 есебімен басым түсті.
Осылайша Махмұд жарыстың жартылай финалына жолдама алып, кем дегенде қола жүлдеге қол созды. Ал өзбекстандық боксшы турнирді жүлдесіз аяқтады.
Сабырханның жетістігі аз емес
Айта кетейік, Махмұд Сабырхан — қазақ боксының ең жарқын өкілдерінің бірі. Ол:
- екі дүркін әлем чемпионы;
- 2023 жылы IBA нұсқасы бойынша әлем чемпионы;
- 2025 жылы World Boxing аясында әлем чемпионы;
- 2024 жылғы Азия чемпионы атанған.
Ұлан-Батырдағы World Boxing Азия чемпионаты 10 сәуірге дейін жалғасады.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet