UFC Шавкат Рахмоновтың дивизионындағы үздікті атады
Жартылай орта салмақта Иэн Гэрри бірінші орынға көтерілді.
UFC ұйымы барлық салмақ дәрежелері бойынша жаңартылған рейтингті жариялады. Жартылай орта салмақта (welterweight) айтарлықтай өзгерістер орын алып, көшбасшы ауысты.
Жаңа көшбасшы анықталды
Ирландиялық файтер Иэн Гэрри (17-1):
- рейтингтің бірінші орнына көтерілді
- чемпион Ислам Махачевтің (28-1) келесі қарсыласы атануы мүмкін
Ал екінші орынға бразилиялық Карлос Пратес (24-7) жайғасты. Ол соңғы жекпе-жегінде экс-чемпион Джек Делла Маддаленаны мерзімінен бұрын жеңіп, рейтингте жоғарылады.
Австралиялық Джек Делла Маддалена болса, бірінші орыннан төртінші сатыға сырғыды.
Шавкат Рахмоновтың жағдайы
Бұл дивизионда Қазақстанның басты үміті Шавкат Рахмонов (19-0) та өнер көрсетеді. Отандасымыз ұзақ уақыт бойы рейтингтің жоғарғы сатысында болды. Титулдық жекпе-жекке де негізгі үміткер саналды. Алайда тізе жарақатының асқынуына байланысты уақытша спорттан шеттеп, қалпына келу кезеңін өткізіп жатыр.
Оның октагонға оралуы 2026 жылдың соңы – 2027 жылдың басына жоспарланып отыр.