Асу Алмабаевтың салмағындағы титулдық айқаста нокаут тіркелді
АҚШ-тың Нью-Джерси штатындағы Ньюарк қаласында өткен UFC 328 турнирінде жанкүйерлер көптен күткен титулдық жекпе-жек өтті. Октагонда мьянмалық тегі бар америкалық Джошуа Ван мен жапониялық файтер Тацуро Таира кездесті.
Ван чемпиондық белбеуін қорғады
Жеңіл салмақтағы UFC чемпионы Джошуа Ван бұл жекпе-жекте өз атағын қорғады. Бес раундқа жоспарланған айқас толық уақытқа созылған жоқ.
Шешуші сәт соңғы бес минуттықта болды. Ван қарсыласын ауыр соққымен тоқтатып, нокаут арқылы жеңіске жетті.
Осылайша Джошуа Ван кәсіби ММА мансабындағы 17-жеңісін тіркеді. Оның қазіргі рекорды — 17 жеңіс, 2 жеңіліс.
Ал Тацуро Таира мансабында екінші рет жеңіліс тапты. Жапониялық файтердің көрсеткіші енді 18 жеңіс, 2 жеңіліс болып өзгерді.
Асу Алмабаевтың дивизионында бәсеке қыза түсті
Айта кетейік, дәл осы жеңіл салмақта қазақстандық файтер Асу Алмабаев та өнер көрсетеді. “Зүлфиқар” лақап атымен танымал спортшы UFC рейтингінде сегізінші орында тұр.
Асу Алмабаевтың кәсіби рекорды — 23 жеңіс, 3 жеңіліс.
Қазақстандық файтер келесі жекпе-жегін 27 маусымда өткізеді. Ол Әзербайжан астанасы Бакуде өтетін UFC Fight Night турнирінде америкалық Чарльз Джонсонмен кездеседі. Джонсонның рекорды — 19 жеңіс, 8 жеңіліс.