Он жекпе-жекте жеңілмеген қазақстандық боксшы Болгарияда сүрінді
Дәулет Дәукеновтің қарсыласы болгариялық Йосиф Панов (28-4, 14 КО) болды.
Қазақстандық боксшы Дәулет Дәукенов (18-2, 8 КО) Болгарияның Плевен қаласында өткен бокс кешінде жеңіліске ұшырады. Оның қарсыласы болгариялық Йосиф Панов (28-4, 14 КО) болды.
Жартылай орта салмақта өткен айқас он раундқа жоспарланған еді және толық дистанцияға созылды.
Кездесу қорытындысы бойынша төрешілердің бөлінген шешімімен жеңіс Йосиф Пановқа берілді.
Дәукеновтің сериясы тоқтады
Осы нәтижеден кейін Панов кәсіпқой мансабындағы жеңістер санын 29-ға жеткізді.
Ал Дәулет Дәукенов кәсіпқой рингтегі үшінші жеңілісіне ұшырады.
Маңыздысы, қазақстандық боксшы бұған дейін қатарынан он жекпе-жекте жеңілмеген еді. Оның соңғы жеңілісі 2021 жылдың ақпанында тіркелген болатын.
Ол енді кәсіби мансабында 18 жеңіс, 3 жеңіліс көрсеткішіне ие.