Жартылай ауыр салмақта UFC рейтингінде бірінші тұрған Магомед Анкалаев (20-1) Рамазан айында оразасын бұзуға тура келгенін айтты.
Анкалаев мұндай қадамға жекпе-жекке дайындық үшін баруға мәжбүр. Ол 93 келі салмақта UFC чемпионы Алекс Перейрамен (12-2) айқасқа шығады.
Жекпе-жек 9 наурызда Лас-Вегастағы UFC 313 турнирінде болады.
"Мен оразаны қатаң ұстанамын. Бірақ осы аптада емес. Маған аузымды ашуға тура келді. Себебі салмағымды тастау үшін міндетті түрде су ішу қажет. Оразаны басынан ұстадым. Ал жекпе-жектен кейін әрине діндегі ережені тиісінше ұстанамын", - дейді Анкалаев AgFight порталына берген сұхбатында.
