Бокстан Қазақстан ұлттық құрамасының бас бапкері Қайрат Сәтжанов Баходир Джалолов пен оның "ізбасары" саналатын Джахонгир Зокировтың рингтегі ұқсастығы туралы пікірін білдірді.
Бұл туралы бапкер Sports.kz порталына берген сұхбатында айтты.
"Мен оларды салыстырмаймын. Себебі Баходир Джалолов өзінің "ізбасарынан" бір емес, тіпті екі бас жоғары деп есептеймін. Бұл – менің жеке пікірім", — деді Қайрат Сәтжанов.
Айта кетейік, жақында Джахонгир Зокиров Болгарияда өткен "Странджа кубогы" турнирінде алтын медаль жеңіп алды.
Аса ауыр салмақта (+92 кг) өткен финалда Өзбекстан құрамасының өкілі қазақстандық Айбек Оралбаймен жұдырықтасты. Тартысты жекпе-жек Зокировтың 3:2 есебімен жеңісімен аяқталды.
