"Бірінші болдың" подкастының тұрақты резиденттері Сербияда өткен әлем чемпионатының барлық қызығы мен шыжығын айтып берді.
Сербияда өткен әйелдер арасындағы бокстан әлем чемпионаты аяқталды. Қазақстан құрамасы жалпыкомандалық есепте екінші орын алды. Соған қарамастан әттеген-ау дейтін сәттер де жоқ емес.
Жайна Шекербекова ширек финалда жергілікті серб боксшысымен жұдырықтасып, қарсыласынан басым түсті. Алайда төрешілер жеңісті қарсыласына беріп жіберген. Бұл шешім жанкүйерлердің наразылығын тудырды.
"Бірінші болдың" подкастының тұрақты резиденттері – Аслан Қаженов пен Уәлихан Қосанбай қонақ болып, Сербияда болған әлем чемпионатының барлық қызығы мен шыжығын айтып берді.
Айта кетейік, біздің боксшы қыздар аталған додада 3 алтын, 2 күміс және 1 қола медаль жеңіп алды. Тарихи жетістік үшін әлем чемпионатының жеңімпаздары мен жүлдегерлеріне мемлекеттен арнайы сыйақы берілетін болды.
