UFC ұйымының бұрынғы жартылай ауыр салмақтағы чемпионы, бразилиялық Алекс Перейра келесі жекпе-жегін ресейлік Магомед Анкалаевпен өткізуді қалайды.
8 наурызда Лас-Вегаста (АҚШ) өткен UFC 313 турнирінде Алекс Перейра мен Магомед Анкалаев октагонда кездескен. Төрешілер бірауыздан ресейлік файтерге жеңісті берді. Осылайша Анкалаев жаңа чемпион атанды.
"Иә, мен онымен реванш өткізгім келеді. Бұл – менің басты мақсатым. Басқа қарсыластармен жекпе-жекке шығу жоспарда жоқ. Осы сәтке дейінгі еңбегіммен реваншқа лайықпын деп есептеймін. Әзірге ұйыммен нақты сөйлескенім жоқ. Бұл – мүлде басқа деңгейдегі жекпе-жек болатыны анық", – деді Перейра The Ariel Helwani Show бағдарламасында.
Перейра мен Анкалаев арасындағы мүмкін болар екінші жекпе-жек – UFC тарихындағы маңызды реванштардың бірі болмақ. Ал Перейраның батыл мәлімдемесі бұл кездесуге деген қызығушылықты одан сайын арттыра түсті.
