Жәмилә Бақбергенова Аммандағы (Иордания) жеңісінен кейінгі әсерін бөлісті.
Азия чемпионы Жәмилә Бақбергенованың төртінші алтын медаль жеңіп алды.
"Біздің құрамаға алтын медаль өте қажет болды. Менің сол" алтынды" алуыма мүмкіндік туды. Бұл жеңіс оңайлықпен келген жоқ. Турнирдің ең ауыр белдесуі жартылай финалда жапон балуанымен болды. Бұған дейін оған бес рет жеңілгенмін. Бұл жолы оны екінші рет жеңіп, маңызды жетістікке жеттім", – деді Жәмилә.
"Бүгін жаттықтырушының қойған тактикасы мен нұсқауын толық орындауға тырыстым. Барлық әрекеттерім бағаланбаса да, жеңіске жету үшін бар күшімді салдым", – деп толықтырды төрт дүркін чемпион.
Жартылай финалда Жамиля жапониялық Масако Фуруичиден басым түсті. Бір ұпайға ұтылып жатқан сәтте, ол белдесуді өз пайдасына бұрып, шешуші жеңіске қол жеткізді.
Финалда 72 келіге дейінгі салмақта Бақбергенова Қытай өкілі Юки Люеені 4:1 есебімен жеңіп, өзінің Азия чемпионаттарындағы төртінші" алтын" медалін жеңіп алды.
