Қазақстандық балуан Азия чемпионатының екі мәрте қола жүлдегері атанды (ВИДЕО)

57 келі салмақ дәрежесінде белдескен Рахат Қалжан қола медаль иегері атанды. Үшінші орын үшін күресте ол ирактық Хусейн Худхур Альбехадиді 8:6 есебімен (таймдар: 5:2, 3:4) жеңді.

Бұл Рахаттың Азия чемпионаттарындағы екінші қола медалі. Ол бұған дейін 2023 жылы да құрлықтық бәсекеде үздік үштікке енген болатын.

• Іріктеу кезеңі: оңтүстіккореялық Чжа Ён Аннан жеңіліс — 0:10

• Ширек финал: өзбекстандық Гуломжон Абдуллаевты жеңді — 5:3

• Жартылай финал: ирандық Милад Вализадеге есе жіберді — 0:3

Айта кету керек, бұл салмақта бастапқыда Мерей Базарбаев күресуі мүмкін еді. Алайда таңдау Қалжанның пайдасына шешілген.

Рахат Қалжан туралы не білеміз?

• Туған күні: 1998 жылғы 19 қазан
• Туған жері: Тараз
• Спорттық атағы: Қазақстан Республикасының спорт шебері, халықаралық дәрежедегі спорт шебері

Негізгі жетістіктері:

• 2015 — Азия чемпионатының қола жүлдегері (кадеттер)
• 2022 — Азия чемпионатының финалисі
• 2022 — Исламиада ойындарының қола жүлдегері
• 2023 — Азия чемпионатының қола жүлдегері
• 2023 — Дінмұхамед Қонаевты еске алуға арналған халықаралық турнирдің қола жүлдегері
• 2024 — Дінмұхамед Қонаевты еске алуға арналған халықаралық турнирдің қола жеңімпазы
• 2023 жылғы Азия ойындарының қатысушысы (9-орын)