Қазақстандық боксшы Ділшат Нұрым америкалық Bare Knuckle FC лигасында өз дебютін әсерлі нокаутпен бастады.
Ділшат алғашқы кездесуінде жартылай жеңіл салмақта өнер көрсететін ресейлік Шамиль Джахбаровпен қолғап түйістірді. Жекпе-жек көпке созылған жоқ. Нұрым қарсыласын бірінші раундта-ақ есінен тандырып, мерзімінен бұрын жеңіске жетті.
Ділшат Нұрым – тек жалаң қолмен жұдырықтасудың емес, кәсіпқой бокстың да өкілі. Оның қазіргі рекорды:
Айта кету керек, Bare Knuckle FC – қазір әлемдегі ең қарқынды дамып келе жатқан жалаң қолмен жұдырықтасу лигасы. 2024 жылдың мамыр айынан бастап бұл ұйымның серіктес иесі – UFC-дің экс-чемпионы Конор Макгрегор. Оның есімі лиганың танымалдылығын арттырып, жаһандық аудиторияны қызықтырып келеді.
