Қазір 38 жастағы бапкер Германия құрамасын жаттықтырады.
"Манчестер Юнайтед" Германия құрамасының бас бапкері Юлиан Нагельсманмен алғашқы байланысқа шықты, деп хабарлайды Topskills Sports UK.
Бұл қадам клубтың кадр іріктеу бөлімінің жетекшісі әрі Юлианның жұмыс стилінің жанкүйері Кристофер Вивеллдің белсенді қысымынан кейін жасалып отыр. Клуб басшылығы Нагельсманды Премьер-лигада үстемдік ете алатын келесі неміс маманы ретінде қарастырады. Олар оның "Ливерпульдегі" Юрген Клопптың аңызға айналған жетістігін қайталай алатынына сенеді.
Клубта сэр Джим Рэтклифф пен Вивеллдің ықпалы айтарлықтай артқан. Әсіресе техникалық директор неміс маманының тактикалық тәсілін жоғары бағалайды.
Алайда негізгі ойыншылар, соның ішінде Бруну Фернандеш, қазіргі уақытша бапкер Майкл Каррикті қолдап отыр. Егер Каррик қызметінен кетсе, Фернандеш аптасына 400 мың фунт стерлинг және бонустар қарастырылған жаңа келісімшарт жасалған жағдайда ғана клубта қалуға дайын. Ал Кэррик жұмысын жалғастырса, португалиялық жартылай қорғаушы екі тарапты да қанағаттандыратын жалақы бойынша келіссөздер жүргізуге ашық.
Қазір Юлиан Нагельсман бас бапкерлік қызметке негізгі үміткерлердің біріне айналды. Оның өкілдерімен келіссөздер бастапқы кезеңде жүріп жатыр.
Оқи отырыңыз:
Абзал Әжіғалиев медальге таласады. Бүгін тағы кім жарыс жолына шығады?;
