"Ордабасы" – "Қайсар": Қазақстан кубогы финалының тікелей трансляциясы

Бүгін, 7 қарашада* Түркістанда футболдан Қазақстан кубогының 2026 жылғы финалы өтеді. Шешуші кездесуде Шымкенттің "Ордабасы" мен Қызылорданың "Қайсар" клубтары трофейге таласады.

"Ордабасы" – "Қайсар" кездесуі Қазақстан уақытымен 16:00-де басталады.

Финалдық матчтың тікелей трансляциясын Qazsport телеарнасы көрсетеді.

"Ордабасы" финалға қалай жетті?

Шымкенттік команда Қазақстан кубогында мына қарсыластарды жеңді:

• "Академия Оңтүстік" – 4:2;
• "Каспий" – 3:0;
• "Жетісу" – 1:0;
• "Алтай" – екі матч қорытындысы бойынша 5:2 (3:1, 2:1).

Осы нәтижелердің арқасында "Ордабасы" финалға жолдама алды.

"Қайсардың" турнирдегі жолы

Қызылордалық клуб финалға дейін:

• "Таласты" – 2:0;
• "Қайратты" – 2:1;
• "Тобылды" – негізгі уақытта 1:1, пенальти сериясында 5:3;
• "Жеңісті" – екі матчтың қорытындысы бойынша 5:4 (3:1, 2:3) есебімен жеңді.

Командалардың соңғы кездесуі 11 қазанда Қызылордада өтті. Сол матчта "Ордабасы" "Қайсарды" 4:1 есебімен жеңді.

Айта кетейік, 2026 жылғы маусым қорытындысы бойынша "Ордабасы" Қазақстан чемпионы атанды. Ал "Қайсар" Премьер-лигада соңғы орын алып, жоғарғы дивизионнан шығып қалды.

Енді шымкенттік клуб маусымды тағы бір трофеймен аяқтап, "алтын дубль" жасауға мүмкіндік алса, "Қайсар" Қазақстан кубогын жеңіп, маусымды жүлдемен түйіндеуге тырысады.