Қазақстандық ескекші Екатерина Таранцева Қытайдың Сиаси қаласында өтіп жатқан құрлықтық додада күміс медаль иеленді.
Қытайдың Сиаси қаласында Қазақстан құрамасы ескекпен жүзуден (слалом) өтіп жатқан Азия чемпионатының алғашқы күнінде-ақ жүлде жеңіп алды.
Әйелдер арасындағы сайыста Қазақстан спортшысы Екатерина Таранцева күміс медаль иеленді. Ол қашықтықты 104,82 секундта бағындырып, құрлық біріншілігінің вице-чемпионы атанды.
Бұл медаль – Қазақстан құрамасының биылғы Азия чемпионатындағы алғашқы жетістігі. Байрақты бәсекеде еліміздің атынан тоғыз спортшы қатысып, жеке және командалық жарыстарда бақ сынайды.
Азия чемпионаты Сиаси қаласындағы Цюшуй өзенінде өтуде. Жарыс 17 тамызда мәресіне жетеді.
Айта кетейік, Екатерина Таранцеваның жүлдесі қазақстандық ескекшілер үшін маусымның сәтті басталғанын көрсетіп отыр.
