Ұлттық құрама өкілі жасөспірімдер арасындағы әлем чемпионатында үздіктер қатарынан көріне алды.
Қазақстан құрамасы АҚШ-тың Солт-Лейк-Сити қаласында өтіп жатқан жасөспірімдер арасындағы шорт-тректен әлем чемпионатында тағы бір жүлдеге қол жеткізді, деп хабарлайды ҰОК.
Бұл жолы ел қоржынына медальды Богдан Вехов салды. Ол 1000 метр қашықтықта жоғары нәтиже көрсетіп, 1:24.177 уақытпен мәреге жетіп, қола жүлдені иеленді.
Аталған қашықтықта чемпион атағын Оңтүстік Корея спортшысы Пак Соджун (1:23.802) жеңіп алса, екінші орынды Қытай өкілі Юйхэн Ли (1:23.903) алды.
Еске салайық, бұған дейін Қазақстанның қыздар құрамасы эстафеталық сайыста қола жүлдеге ие болған еді.
Оқи отырыңыз:
