ӘЧ: Қазақстан үстел теннисінен плей-офф кезеңіне шықты

Үстел теннисінен Қазақстан ұлттық құрамасы Лондонда (Ұлыбритания) өтіп жатқан командалық әлем чемпионатында сәтті өнер көрсетіп, плей-офф кезеңіне жолдама алды.

Ерлер құрамасы – топ жеңімпазы

Қазақстан ерлер құрамасы топтық кезеңде тамаша нәтиже көрсетті:

• 3 матчтың үшеуінде де жеңіске жетті
• өз тобында бірінші орын алды.

Осылайша, отандастарымыз тікелей 1/16 финалға өтті.

Ал әйелдер құрамасы топта екінші орын алып, плей-оффқа шығу үшін қосымша матч өткізді. Бельгия құрамасына қарсы ойында қазақстандық бұрымдылар қарсыласын 3:0 есебімен жеңіп, үздік 32 команданың қатарына қосылды. 

Енді бүгін, 4 мамыр күні, Қазақстан құрамалары 1/8 финалға шығу үшін маңызды ойындар өткізеді:

• Ерлер құрамасы — Испанияға қарсы
• Әйелдер құрамасы — Швециямен кездеседі.