Баскетболдан Қазақстан құрамасы Азия кубогының іріктеуінде қарсыласын ойсырата жеңді

Қазақстан құрамасының сәтті бастауы

Алматыда ерлер құрамалары арасындағы Азия кубогы-2029 додасының бірінші іріктеу кезеңі өтіп жатыр.

Қазақстандық баскетболшылар алғашқы матчта айқын басымдық танытып, қарсыласына еш мүмкіндік қалдырмады. Кездесу қорытындысы бойынша таблода 114:43 есебі тіркелді.

Топтағы тағы бір ойында Палестина құрамасы Шри-Ланканы 121:63 есебімен тас-талқан етті. Қазақстан өнер көрсететін B тобына Қырғызстан құрамасы да кірген.

Іріктеу матчтары төрт қалада өтеді

Алматы Азия кубогы-2029 іріктеуінің бастапқы кезеңін қабылдап жатқан төрт қаланың бірі саналады. Қалған топтардың кездесулері Дубай, Ұлан-Батыр және Серембан қалаларында ұйымдастырылуда.

Бірінші раунд аяқталғаннан кейін әр топтағы үздік үш құрама жарыстың келесі кезеңіне жолдама алады. Нәтижесінде 12 команда екі топқа бөлініп, бәсекені жалғастырады.

Азия кубогына жолдама қалай беріледі?

Іріктеудің екінші кезеңі 23 қараша мен 1 желтоқсан аралығында өтеді. Оның қорытындысы бойынша үздік сегіз құрама үшінші раундқа шығады.

Шешуші кезеңде оларға 2025 жылғы Азия кубогының финалдық бөлігінде өнер көрсеткен 16 команда қосылады. Осылайша құрлықтық біріншілікке берілетін жолдамалар үшін барлығы 24 ұлттық құрама таласады.

Жеребе қорытындысында командалар төрт құрамадан алты топқа бөлінеді. Әр топта алғашқы екі орынды иеленген құрамалар 2029 жылғы Азия кубогының финалдық кезеңіне тікелей жолдама алады.