Димаш Құдайберген мен Криштиану Роналду бір атаққа таласып жатыр

Қазақстанның халық әртісі, әлемге танымал әнші Димаш Құдайберген “2026 жылдың ең сымбатты ер адамы” атағына үміткерлер қатарына енді. Байқауды Netizens Choice Magazine журналы ұйымдастырып отыр.

Номинацияға шоу-бизнес пен спорт саласындағы танымал тұлғалар ұсынылған. Үміткерлер арасында:

• Криштиану Роналду – әлемге әйгілі футболшы
• Брэд Питт – Голливуд актері
• Жейсон Момоа – кино жұлдызы
• Жастин Бибер – әнші
• Тимоте Шаламе – жас актер

Димаш Құдайберген бұл тізімде Қазақстан атынан қатысып отыр.

Жеңімпазды жанкүйерлер анықтайды

Байқау нәтижесі онлайн дауыс беру арқылы анықталады. Дауыс беру тәртібі журналдың ресми парақшасында жарияланған.

Ұйымдастырушылардың мәліметінше, ең көп дауыс жинаған қатысушы:

• халықаралық БАҚ-та жарияланады;
• Times Square алаңындағы алып экрандарда арнайы бейнероликпен таныстырылады;
• журнал мұқабасына шығады.

Дауыс беру 2026 жылдың 30 мамырына дейін жалғасады.

Димаштың халықаралық беделі

Бұл номинация әртістің тек шығармашылық жетістігін ғана емес, әлемдік танымалдылығын да көрсетеді. Соңғы жылдары Димаш Құдайберген халықаралық аренада белсенді өнер көрсетіп, ірі мәдени іс-шараларға қатысып жүр.

Еске салайық, бұған дейін әнші қысқы Олимпиада чемпионы Михаил Шайдоровқа автокөлік сыйлайтынын мәлімдеген болатын.