Роналду Өзбекстан президентінің немересімен кездесті (ФОТО)
Португалия құрамасының капитаны футболдан әлем чемпионатында Өзбекстан президенті Шавкат Мирзиёевтің немересі Раниямен кездесті.
Роналду мен Ранияның суреті жарияланды
Umogroup инстаграм-аккаунтында Криштиану Роналду мен Ранияның бірге түскен фотосы жарияланды. Сурет 2026 жылғы әлем чемпионатының топтық кезеңіндегі Өзбекстан – Португалия матчы аяқталғаннан кейін стадионның ішкі бөлігінде түсірілген.
Кадрда Шахноза Мирзиёеваның қызы Рания Өзбекстан құрамасының жанкүйер жейдесін киіп тұр. Оның жейдесінде 7-нөмір бейнеленген. Сондай-ақ жас жанкүйер қолына Өзбекстанның мемлекеттік туларын ұстаған.
Әлем чемпионатындағы дебют
2026 жылғы футболдан әлем чемпионаты АҚШ, Канада және Мексика елдерінде өтіп жатыр. Бұл мундиаль Өзбекстан құрамасы үшін тарихи дода саналады. Себебі көрші елдің ұлттық командасы өз тарихында алғаш рет әлем чемпионатының финалдық кезеңіне жолдама алды.
Топтық кезеңнің екінші турында Фабио Каннавароның шәкірттері Португалиядан 0:5 есебімен жеңілді.