Александр Бубликтің Римдегі "Мастерс" турниріндегі алғашқы қарсыласы анықталды
Қазақстанның бірінші ракеткасы Римде ATP-1000 санатындағы "Мастерс" турнирінде алғашқы кездесуін кімге қарсы өткізетіні белгілі болды.
Бублик Баэспен кездеседі
Турнирдің 1/64 финалында аргентиналық теннисші Себастьян Баэс әлемдік рейтингте 63-орында тұрған америкалық Дженсон Бруксбиді екі сетте жеңді. Кездесу 6:3, 7:6 (10:8) есебімен аяқталды.
Осы жеңісінің арқасында Себастьян Баэс жарыстың келесі кезеңіне өтіп, 1/32 финалда Қазақстан теннисінің көшбасшысы Александр Бубликпен күш сынасады.
Қазір уақытта Бублик әлемдік рейтингте 11-орында, ал оның алдағы қарсыласы Баэс 65-сатыда тұр. Матч 8 мамырда Қазақстан уақытымен 14:00-де басталады деп жоспарланған.
Өзара кездесудегі басымдық кімде?
Александр Бублик пен Себастьян Баэс бұған дейін бір рет кездескен. 2025 жылы өткен сол матчта қазақстандық теннисші аргентиналық қарсыласын екі сетте ұтқан еді.
Кездесу нәтижесі: 6:3, 6:4.
Бұл жолы да Бублик Римдегі турнирде сәтті өнер көрсетіп, келесі кезеңге шығуды көздейді.
Мадридтегі нәтиже қандай болды?
Айта кетейік, бұған дейін Александр Бублик Испания астанасында өткен “Мастерсте” дәл осы кезеңде жарысты аяқтаған.
Қазақстандық теннисші грекиялық Стефанос Циципасқа 2:6, 5:7 есебімен жеңіліп қалды.