Қазақстандық кәсіпқой боксшы, жеңіліс көрмеген Елшат Нығметолла (21-0-1, 8 KO) келесі жекпе-жегінің нақты уақыты мен қарсыласын білді.
“Қазақ жауынгері” деген лақап атымен танылған Елшат 3 мамырда Бангкок қаласында рингке шығады. Бұл жолғы қарсыласы — Намибиядан келген жеңілмеген боксшы Филлемон Нгутенанье (12-0-1, 4 KO) болмақ.
Жекпе-жекте WBA Asia тұжырымы бойынша жеңіл салмақтағы чемпиондық белбеу сарапқа салынады. Бұл титул қазір Елшаттың еншісінде.
Елшат Нығметолла WBA Asia чемпиондық титулын биыл, 1 ақпанда дәл сол Бангкокте өткен жекпе-жекте жеңіп алған. Сол кезде индонезиялық Фласидус Нуноны (10-2-2, 8 KO) төртінші раундта техникалық нокаутпен тізе бүктірген.
Осылайша қазақстандық боксшы өзінің жеңіліссіз сериясын 21 жеңіске дейін жеткізіп, Азияда үлкен беделге ие болды.
