Иордания астанасы Амманда жасөспірім қыздар арасында бокстан Азия чемпионатының финалдық кездесулері өтуде.
U15 жас санатындағы спортшылар алтын медаль үшін шаршы алаңға шықты. 64 келіге дейінгі салмақ дәрежесінде финалдық жекпе-жекке қазақстандық Акерке Далабай мен иорданиялық Джуд Хаби шықты.
Ақерке алғашқы секундтардан бастап қарсыласын қыспаққа алып, жекпе-жекті толықтай бақылауда ұстады. Ол техникалық және тактикалық тұрғыда жоғары деңгейде өнер көрсетіп, барлық бес төрешінің қолдауына ие болды. Нәтижесінде кездесу 5:0 есебімен қазақстандық боксшының пайдасына аяқталды.
Айта кетейік, Амманда өтіп жатқан бұл чемпионат — World Boxing ұйымының қолдауымен алғаш рет ұйымдастырылып отырған тарихи Азия чемпионаты.
