Илья Калинин бокстан Азия чемпионатын сәтті бастады.
World Boxing ұйымы ұйымдастырған U22 санатындағы жарыстың 65 келіге дейінгі салмақ дәрежесінде Илья Калинин алғашқы жекпе-жегінде үндістандық Малик Притпен кездесіп, үш раундқа созылған тартысты айқаста төрешілердің бөлек шешімімен жеңіске жетті. Бұл кездесу толық қашықтыққа созылып, Калининнің шеберлігі мен шыдамдылығы жеңіс кепіліне айналды.
Илья Калинин — 2024 жылғы Қазақстан чемпионатының қола жүлдегері. 2023 жылы Қарақозы Абдалиев мемориалында сенсациялық түрде ел чемпионы Дулат Бекбауовты жеңіп, жанкүйерлер мен сарапшылардың назарын өзіне аудартқан. Алайда биыл тек бір халықаралық жарысқа — Сербияда өткен турнирге қатысты. Сондықтан бұл Азия чемпионаты — Калинин үшін халықаралық деңгейдегі алғашқы ірі дода.
