Бангкокта жастар арасындағы Азия чемпионатында (U22) Қазақстан тағы бір финалисін анықтады. Бұл жолы 90 келі салмақта ел намысын қорғаған Темірлан Мұқатаев көзге түсті.
Жартылай финалда Темірлан Оңтүстік Корея боксшысы Йечан Мунмен қолғап түйістірді. Жекпе-жек екінші раундта-ақ аяқталды: Мұқатаев қарсыласын екі рет нокдаунға жіберіп, айқын басымдықпен жеңіске жетті.
Кореялық боксшы құрлық бірнішілігінің қола жүлдегері атанды.
U22 және U19 санатындағы Азия чемпионатының финалдық кездесулері 10–11 тамыз аралығында өтеді. Темірлан Мұқатаев енді алтын үшін кіммен айқасатыны жақын күндері анықталады.
