Бангкокта 2025 жылғы жастар арасындағы Азия чемпионатының финалында Қазақстан мен Өзбекстан боксшылары тағы да рингте жолықты.
60 келіге дейінгі салмақ дәрежесінде Нұрислам Қалдыбаев U22 турнирінің алтын медалі үшін өзбекстандық Шохрух Абдумаликовпен күш сынасты.
Үш раундқа созылған тартысты жекпе-жектен кейін төрешілер Қалдыбаевты жеңімпаз деп таныды.
Шешім бөлек түрде қабылданды, бірақ басты марапат – алтын медаль Қазақстан қоржынына түсті. Шохрух Абдумаликов күміс жүлдеге ие болды.
Бұл жарыс – World Boxing ұйымы өткізген алғашқы құрлықтық жастар чемпионаты.
Айта кетсек, Нұрислам Қалдыбаев биыл мамыр айында Шри-Ланканың Коломбо қаласында өткен ASBC және IBA ұйымдастырған Азия чемпионатында да топ жарған еді.
