Сенсация, ғаламат жеңіс пен медаль: Boxam Elite-тің үшінші күні немен есте қалды?

5 ақпан күні, Испанияның Ла-Нусия қаласында өтіп жатқан Boxam Elite-2026 халықаралық турнирінде Қазақстан атынан 13 боксшы шаршы алаңға шықты. 

Күн қорытындысы

Кезекті жарыс күні қазақстандық боксшылар үшін әркелкі болды. Жеті спортшы медаль үшін күресті жалғастыру құқығына ие болса, алтауы жарыс жолынан шығып қалды. 

Ерлер арасында келесі кезеңге өткендер:

• Махмұд Сабырхан (55 кг),
• Тимур Нұрсейітов (75 кг),
• Аман Қонысбеков (75 кг),
• Сағындық Тоғамбай (90 кг),
• Нұрасыл Асылхан (90+ кг),
• Айбек Оралбай (90+ кг).

Әйелдер арасында Назерке Серік (65 кг) келесі кезеңге өтті.

Сонымен қатар, Серік Теміржановтың (60 кг) жеңілісі күннің басты сенсацияларының бірі болды.

Ерлер арасындағы жекпе-жектер нәтижесі

• 55 кг: Махмұд Сабырхан — Элвин Ванукага (Швеция) 5:0
• 55 кг: Бексұлтан Боранбек — Максимус Томинес (Канада) 2:3
• 60 кг: Серік Теміржанов — Кеома-Али әл-Ахмади (Канада) 2:3
• 75 кг: Тимур Нұрсейітов — Кайл Шоу-Таллин (Англия) 4:1
• 75 кг: Аман Қонысбеков — Хассана Эль Кадми (Франция) 5:0
• 90 кг: Оңталап Рахманов — Эммануэль Рейес Пла (Испания) 0:5
• 90 кг: Сағындық Тоғамбай — Кандоро Сукуна (Франция) 5:0
• 90+ кг: Нұрасыл Асылхан — Саван Гилл (Үндістан) 5:0
• 90+ кг: Айбек Оралбай — Мэтт Уильямс (Англия) 4:1

Әйелдер арасындағы жекпе-жектер нәтижесі

• 60 кг: Евгения Графеева — Мауд ван дер Торн (Нидерланды) 0:4
• 60 кг: Виктория Байдукова — Татьяна Довгаль (Украина) 0:5
• 65 кг: Назерке Серік — Марианна Сото (Испания) 3:2
• 65 кг: Ақнар Ищанова — Каял (Үндістан) 1:4

Айта кетейік, Boxam Elite-2026 халықаралық турнирі 7 ақпанға дейін жалғасады. Қазақстан құрамасы алдағы күндері медаль үшін күресін жалғастырады. Бұған дейін Айбек Оралбай ел қоржынына мерзімінен бұрын медаль салғанын хабарлаған едік.