Қазақстандық дзюдошы Душанбедегі Grand Slam турнирінде қола жүлдеден қағылды
Асқар Нарқұлов Тәжікстан астанасындағы Grand Slam турнирінде жүлдеге бір қадам жетпей тоқтады.
instagram/@narkulovaskar
Қола үшін күресте жеңілді
81 келіге дейінгі салмақ дәрежесінде сынға түскен Асқар Нарқұлов үшінші орын үшін өткен белдесуде молдовалық Виктор Стерпумен кездесті. Қазақстандық дзюдошы соңына дейін қарсылық танытқанымен шешуші сәтте қарсыласы басым түсті.
Осы нәтижеден кейін Нарқұлов Душанбедегі “Үлкен дулыға” турнирінде 5-орын алды.
Айта кетейік, бұған дейін жұбаныш белдесуінде Нарқұлов тағы бір молдовалық дзюдошы Петру Пеливанды жеңіп, қола үшін күресуге мүмкіндік алған еді.
Қазақстан қоржынында бір медаль бар
Бір күн бұрын Қазақстан құрамасының тағы бір өкілі Нұрәділ Әлжан Душанбедегі Grand Slam турнирінде қола медаль жеңіп алды. Ол 60 келіге дейінгі салмақ дәрежесінде үздік үштікке енді.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet