Сабыржан Сағым өзбек боксшысын мерзімінен бұрын жеңді (ВИДЕО)
Қазақстандық жас боксшы Ташкентте 17 жасқа дейінгі жасөспірімдер арасындағы Азия чемпионатында сәтті өнер көрсетті.
Instagram/@boxingkazakhstan
Қарсыласын үшінші раундта тоқтатты
Сабыржан Сағым мен Фарходжон Баходиров 80 келіден жоғары салмақ дәрежесінде жұдырықтасты. Жекпе-жек 1/8 финал аясында өтті.
Кездесу толық аяқталған жоқ. Үшінші раундта өзбекстандық боксшы жарақатына байланысты айқасты жалғастыра алмады. Осылайша төрешілер жеңісті қазақстандық суперауыр салмақ өкіліне берді.
Қазақ боксшысы медальға бір қадам жақындады
Бұл жеңістен кейін Сабыржан Сағым Азия чемпионатының ширек финалына шықты. Енді келесі кездесуде жеңіске жетсе, құрлық біріншілігінің жүлдесіне қол жеткізеді. Ал Фарходжон Баходиров жарысты медальсыз қалды.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet