Өзбекстан өз жерінде жеңілді: Қазақстандық боксшы финалда алтынды жұлып алды (ВИДЕО)

U-15 жас санатында өнер көрсеткен Рауан 61 келіге дейінгі салмақ дәрежесінің финалында өзбекстандық Азизбек Эгамбергановпен жұдырықтасты. Шешуші жекпе-жекте қазақ боксшысы төрешілер шешімімен 4:1 есебімен жеңіске жетті.

Осылайша Рауан Тоғызбай 15 жасқа дейінгі боксшылар арасында Азия чемпионы атанды. Ал жарыс қожайыны күміс медальді қанағат тұтты.

Айта кетейік, World Boxing ұйымы аясында ұйымдастырылған жасөспірімдер арасындағы Азия чемпионаты Ташкентте 3-15 мамыр аралығында өтуде. Қазақстан бұл додаға төрт құрамамен қатысып жатыр: U-15 және U-17 жас санаттарындағы ұлдар мен қыздар құрамалары.

Жарыстың соңғы күні 17 жасқа дейінгі боксшылар арасында финалдық кездесулер өтеді.