Қазақстандық бойжеткен Ташкентте Азия чемпионы атанды (ВИДЕО)

Қазақстандық боксшы Хатшепсут Сәдуақасова Ташкентте өтіп жатқан жасөспірімдер арасындағы Азия чемпионатында топ жарды. U-17 жас санатында өнер көрсеткен отандасымыз 50 келіге дейінгі салмақта чемпион атанды.

Финалдық жекпе-жекте Сәдуақасова Өзбекстан өкілі Парвина Шакаровамен кездесті. Үш раундқа созылған тартысты айқаста қазақстандық боксшы қарсыласынан басым түсіп, төрешілер шешімімен жеңіске жетті. Қорытынды есеп — 4:1.

Бұған дейін U-15 жас санатындағы жарыстар аяқталған еді. Оның қорытындысы бойынша Қазақстан құрамасы 7 алтын, 8 күміс және 9 қола медаль жеңіп алды.