Азия чемпионаты. Қазақ боксшысы финалда қарсыласын тас-талқан етті (ВИДЕО)
Қазақстандық жас боксшы Нұрасыл Ғалым Ташкентте 2026 жылғы жасөспірімдер арасындағы Азия чемпионатында ел қоржынына алтын медаль салды.
Финалдағы айқын басымдық
Нұрасыл Ғалым 17 жасқа дейінгі боксшылар арасындағы додада 50 келіге дейінгі салмақ дәрежесінде финалға шыққан. Шешуші жекпе-жекте моңғолиялық Сулду Усухбатармен қолғап түйістірді. Кездесу барысында қарсыласына еш мүмкіндік бермей, төрешілердің бірауыздан қабылдаған шешімімен жеңіске жетті — 5:0.
Осылайша Нұрасыл Ғалым Қазақстан құрамасына U-17 санатындағы алғашқы алтын медаль сыйлады.
Қазақстан құрамасының нәтижесі
Айта кетейік, Азия чемпионаты 15 жасқа дейінгі және 17 жасқа дейінгі жасөспірімдер арасында ұйымдастырылып жатыр. 14 мамыр күні U-15 санатындағы финалдық кездесулер өтті.
Қазақстан құрамасы U-15 турнирінің қорытындысы бойынша мынадай нәтиже көрсетті: 7 алтын, 8 күміс және 9 қола медаль.