Америкалық промоушен қазақстандық боксшының жекпе-жегін жария етті
Бірақ Қарсыласының есімі әзірге жарияланған жоқ.
Қазақстандық кәсіпқой боксшы Евгений Павлов АҚШ-та кезекті жекпе-жегін өткізеді. Жеңіліп көрмеген отандасымыз 18 шілде күні рингке шығады.
Павлов қатысатын бокс кеші АҚШ-тың Мэрилэнд штатындағы Хановер қаласында өтеді.
Промоутерлік компания афишаны жариялады
Евгений Павловтың мүддесін қорғайтын Jeter Promotions промоутерлік компаниясы алдағы бокс кешінің афишасын әлеуметтік желіде жариялады.
Дегенмен Павловтың қарсыласы әзірге ресми түрде аталмады.
Соңғы жекпе-жек
Евгений Павлов соңғы рет 25 сәуір күні АҚШ-та рингке шықты. Балтиморда өткен бокс кешінде ол америкалық Антонио Дантон Эл-кішімен кездесті.
Алты раундқа созылған айқаста Петропавл тумасы төрешілердің бірауызды шешімімен жеңіске жетті.
Қазіргі таңда Евгений Павловтың кәсіби рекорды — 11 жеңіс, 0 жеңіліс. Оның 8 жеңісі нокаутпен аяқталған.