Шавкат Рахмонов Махачевтің чемпиондық белбеуіне үміткерлер қатарына енді
Соңғы жекпе-жегінде Махачев UFC 330 турнирінде Иэн Мачадо Гэрримен кездесіп, төрешілердің бірауыздан шешімімен жеңіске жеткен болатын.
UFC-дің жартылай орта салмақтағы чемпионы Ислам Махачев қазақстандық Шавкат Рахмоновты дивизиондағы ең қауіпті қарсыластарының бірі деп атады.
Ислам Махачевтің сөзінше, дивизионда Карлос Пратес пен Майкл Моралес секілді қауіпті файтерлер бар. Сонымен қатар чемпион Шавкат Рахмоновтың да титулдық бәсекеге қайта оралуы мүмкін екенін айтты.
"Шавкат Рахмонов та жекпе-жек өткізгісі келеді. Ол толық қалпына келіп, октагонға оралсын. Олар мені мерзімінен бұрын жеңгісі келеді, ал мен чемпиондық белбеуімді қорғаймын", – деді Махачев.
Махачев жеңісті сериясын жалғастырғысы келеді
Ислам Махачев қарсыластарының оны нокаутпен немесе мерзімінен бұрын жеңуге ұмтылысы өзіне қосымша мотивация беретінін айтты. Ол UFC-дегі жеңісті сериясын 20 жекпе-жекке дейін жеткізуді мақсат етіп отыр.
Соңғы жекпе-жегінде Махачев UFC 330 турнирінде Иэн Мачадо Гэрримен кездесіп, төрешілердің бірауыздан шешімімен жеңіске жетті. Осы нәтижеден кейін оның UFC-дегі қатарынан жеңістер саны 17-ге жетті.
Шавкат Рахмонов октагонға қашан оралады?
Шавкат Рахмонов жарақатына байланысты ұзақ уақыттан бері жекпе-жек өткізген жоқ.
Қазақстандық спортшының кәсіби ММА-дағы рекорды - 19 жекпе-жек – 19 жеңіс.
Айта кетейік, оның UFC-дегі келесі қарсыласы әзірге ресми түрде жарияланған жоқ.