Үш нокдаун: Қазақстандық боксшы Германияда кезекті жеңісіне жетті
Отандасымыз Гамбург қаласында өткен бокс кешінде тәжірибелі венесуэлалық Джонни Санческе (20-15, 13 КО) қарсы шыққан болатын.
Қазақстандық орта салмақтағы боксшы Виктор Темиров (12-0, 9 КО) кәсіпқой рингтегі жеңіліссіз сериясын жалғастырды.
Ол Германияның Гамбург қаласында өткен бокс кешінде тәжірибелі венесуэлалық Джонни Санческе (20-15, 13 КО) қарсы шықты.
Үш нокдауннан кейін жекпе-жек тоқтатылды
Темиров алғашқы раундтан-ақ қарсыласына қысым жасап, раунд соңында Санчесті нокдаунға түсірді. 39 жастағы венесуэлалық боксшы кездесуді жалғастыра алды.
Алайда екінші раундта қазақстандық былғары қолғап шебері қарсыласын тағы екі рет нокдаунға жіберді. Осыдан кейін төреші жекпе-жекті тоқтату туралы шешім қабылдады.
Нәтижесінде Виктор Темиров техникалық нокаутпен жеңіске жетті.
2026 жылғы үшінші мерзімінен бұрын жеңіс
Бұл Темировтың 2026 жылы өткізген үшінші жекпе-жегі болды. Қазақстандық боксшы осы үш кездесудің барлығын да мерзімінен бұрын аяқтаған.
Осы жеңістен кейін Темировтың кәсіпқой бокстағы рекорды 12 жеңіс, 0 жеңіліс болды. Оның 9 жеңісін нокаутпен аяқтаған.
Ал Джонни Санчес қатарынан 12-ші рет жеңіліске ұшырады.