Отандасымыз чемпиондық атақ үшін ешбір жекпе-жектен бас тартпақ емес.
IBF және WBO тұжырымдары бойынша орта салмақтағы әлем чемпионы Жәнібек Әлімханұлы отандасы Мейірім Нұрсұлтановпен жекпе-жек өткізу мүмкіндігіне қатысты пікір білдірді. Бұл туралы sportarena.kz хабарлады.
"Қазақстанға абсолютті әлем чемпионы керек. Жанкүйерлер маған сенеді. Маған барлық төрт белбеу қажет. Жанкүйерлерімнің арманын орындау үшін мен ешбір жекпе-жектен, ешбір чемпионмен кездесуден бас тартпаймын, оның қай ұлтқа жататыны маңызды емес", – деп келтіреді Kazakh Boxing Жәнібек Әлімханұлының сөзін.
Айта кетейік, Мейірім Нұрсұлтанов – WBC титулының ресми міндетті үміткері. Ол 22 ақпанда Сауд Арабиясының Эр-Рияд қаласында өтетін Карлос Адамес (WBC чемпионы) – Хамза Шираз жекпе-жегінің жеңімпазымен кездесуі тиіс.
