Иордания астанасында еркін күрестен Азия чемпионаты өтіп жатыр.
Ширек финалда Қалжанның қарсыласы өзбекстандық Гуломжон Абдуллаев болды. Белдесу барысында Рахат ұпай бойынша жеңіліп жатқанымен, соңғы секундтарда керемет қарқын көрсетіп, 5:3 есебімен жеңісті жұлып алды. Бұл нағыз спорттық ерік пен мінездің көрінісі болды.
Азия чемпионаты аясында өткен іріктеу кезеңінде Рахат Қалжан оңтүстіккореялық Чжэхён Анды техникалық басымдықпен — 10:0 есебімен жеңген еді.
Жартылай финалда Қалжанға ирандық мықты Милод Джахангир Вализаде қарсылас атанады. Бұл кездесу де аса тартысты болмақ.
Еске сала кетейік, Рахат Ұлан-Батырда өткен Азия чемпионатында (2022 ж) күміс, ал Астанада 2023 жылы қола жүлдегер атанған.
