Метаболизмді жылдамдататын өнімдер: Денеңізді қуатпен оятатын табиғи көмекшілер

Неге метаболизмді үдету маңызды?

Жақсы метаболизм – сымбат пен денсаулықтың негізі. Ол тағамды энергияға айналдырып, ағзадағы артық токсиндер мен майды шығарып тастайды. Ал баяу алмасу процесі керісінше – шаршаңқылыққа, артық салмаққа және ас қорыту мәселелеріне әкелуі мүмкін.

Қысқаша кеңестер:

• Таңғы ас ішуді ұмытпаңыз.
• Күніне 4–5 рет шағын бөліктермен тамақтаныңыз.
• Көбірек су ішіңіз.
• Тәттіден бас тартып, көкөніс пен жеміс-жидекке басымдық беріңіз.
• Қозғалыс пен спортты күнделікті өмірге енгізіңіз.

Метаболизмді үдететін ТОП өнімдер

1. Су

Метаболизмнің басты "қозғалтқышы". 60 кг салмақтағы адамға тәулігіне шамамен 2,5 литр су қажет. Таңертеңгі бір стақан су ағзаны оятып, ішкі жүйелерді іске қосады.

2. Қара жапырақты көкөністер

Шпинат, брокколи, қырыққабат, спаржа және басқа да қою жасыл көкөністер магний мен темірге бай.

• Магний – ағзаның энергия өндіру реакцияларына қажет.
• Темір – жасушаларға оттегі жеткізіп, күш пен сергектік береді.

Оларды лимон, қызанақ секілді С дәруменіне бай өнімдермен бірге жесеңіз, темірдің сіңуі артады.

3. Жемістер

Апельсин, алма, киви, жидектер – антиоксиданттардың нағыз қоймасы.

• Антиоксиданттар ағзаны еркін радикалдардан қорғайды.
• С дәрумені темірдің сіңуіне көмектеседі.

Маңыздысы – жаңа піскен жемістерді таңдау. Шырын немесе джем емес, табиғи жеміс – метаболизмді жылдамдатуда ең тиімді нұсқа.

4. Шай/ Кофе

Жасыл, қара немесе хош иісті шай немесе кофе – бәрі де пайдалы.

• Катехиндер ағзаны клеткалық зақымданудан қорғайды.
• Кофеин калорияны көбірек жағуға ықпал етеді.

Ғалымдар жасыл шайдың метаболизмді ең белсенді жылдамдататынын дәлелдеген. Бірақ бастысы – табиғи, қоспасыз шай ішу.

5. Ащы бұрыш

Чили, карри, қара бұрыш  – бәрінің құрамында капсаицин бар. Бұл зат ағзаны қыздырып, жүрек жұмысын жақсартады, қабынуды азайтады және калорияны тезірек жағуға көмектеседі. Әйтсе де, мөлшерден тыс қолдану асқазанға ауырлық түсіреді.

6. Талшыққа бай тағамдар

Жеміс-жидекпен қатар, жаңғақтар, бұршақ дақылдары, тұтас дәнді өнімдер де өте маңызды.

• Талшық ас қорытуға көп энергия жұмсатқызады.
• Ұзақ уақыт тоқтық сезімін береді.
• Бұл – артық тамақтанудан сақтайтын ең табиғи құрал.

7. Кокос майы

Тәжірибелер кокос майының метаболизмді 25%-ға арттыратынын көрсеткен.

8. Сүт өнімдері

Кальций тапшылығы метаболизмді баяулатады. Йогурт, айран, сүзбе сияқты өнімдерді күнделікті рационға енгізіңіз.

9. Майсыз ет пен балық

Ақуызы мол тағамдар ағзаны артық жұмысқа итермелейді. Мәселен, тауық еті немесе балықты ас қорыту кезінде метаболизм 50%-ға дейін жылдамдайды.

10. Дәмдеуіштер (имбирь, даршын, цикорий)

Ағзаның алмасу процесін 10%-ға дейін жеделдетеді.

Қай өнімдер метаболизмді баяулатады?

• Чипсы мен тіскебасарлар
• Ақ нан, тәтті бәліштер
• Қант қосылған сусындар (газировка, тәтті шырындар)
• Консервілер

Бұл өнімдер қандағы қантты күрт көтеріп, артық май жинауға ықпал етеді.

Метаболизмді жылдамдату үшін қымбат қоспаларға жүгіну шарт емес – табиғат бізге бәрін ұсынған. Су, көкөніс, жеміс, дәнді дақылдар, ақуызды тағамдар және пайдалы дәмдеуіштер күнделікті рационыңызда болса, нәтижесін көп күттірмейді.