Мамандар сүйекке пайдалы тағамдарды атады

Адамның сүйек қоры балалық және жасөспірім кезеңінде қалыптасып, ересек жаста ең жоғары деңгейіне жеткеннен кейін біртіндеп төмендей бастайды. Сондықтан сүйек беріктігіне ерте жастан көңіл бөлу маңызды.

Қандай тағамдар сүйекке пайдалы?

Сүйек тінінің қалыпты жағдайын сақтауда кальций, D дәрумені және ақуыз негізгі рөл атқарады. Сонымен бірге магний, мырыш, фосфор және K дәрумені де маңызды.

• Сүт және соя өнімдері. Сүт, йогурт пен ірімшік кальцийдің маңызды көздерінің бірі саналады. Мысалы, 200 мл сүтте шамамен 260 мг кальций бар.
• Чиа тұқымы. Оның құрамында кальций, магний және фосфор бар. Бір ас қасық чиа тұқымында шамамен 95 мг кальций болады. Сонымен қатар өнім омега-3 май қышқылдарына бай.
• Кептірілген жемістер. Інжір мен өрік кальций мен магнийдің көзі бола алады.

Қандай дәрумендер мен минералдар қажет?

Сүйек денсаулығын қолдайтын негізгі қоректік заттарды мына тағамдардан алуға болады:

• Кальций: сүт, йогурт, ірімшік, бадам;
• D дәрумені: лосось, тунец сынды балықтар
• Магний: шпинат, картоп, батат, мейіз;
• K дәрумені: қара өрік, шпинат, брюссель қырыққабаты;
• Калий: апельсин, банан, қызанақ және папайя.

Мамандар сүйекке арналған дәрумендер мен қоспалардың тиімділігі әр адамда әртүрлі болуы мүмкін екенін атап өтеді. Кальцийді алдымен тағамнан жеткілікті мөлшерде алуға басымдық берген жөн, ал қоспалар кей жағдайда ғана қажет болуы мүмкін. D дәруменін шамадан тыс қабылдау да кері әсер беруі ықтимал.