Израиль ойыншысы Ирландия бапкеріне түкірді - БАҚ
Бұл оқиға UEFA Ұлттар лигасы аясындағы матч кезінде болған.
UEFA Ұлттар лигасы аясындағы Ирландия – Израиль матчы кезінде командалар арасында жанжал болғаны хабарланды. The Irish Times мәліметінше, Израиль құрамасының футболшыларының бірі ирландиялық команданың қызметкеріне түкірген.
Оқиға стадионның трибуна астындағы аймағында, бірінші тайм аяқталғаннан кейін болды деп хабарлайды басылым. Жанжал кезінде Ирландия құрамасының дене дайындығы бойынша бапкері Дэмиен Дойл зардап шеккен.
Дойлдың өзі бұл мәселе пікір білдірді. Оның айтуынша, бірінші таймнан кейін футболшылар мен команда қызметкерлері киім ауыстыратын бөлмеге бет алған кезде екі тарап өкілдері арасында келіспеушілік туындаған. Сол сәтте израильдік ойыншылардың бірі оған түкірген. Әзірге футболшының есімі жарияланған жоқ.
Төреші хаттамаға енгізді ме?
Матчтың бас төрешісі бұл оқиғаны ресми хаттамаға тіркеді ме, жоқ па – әзірге беймәлім. Сондықтан оқиғаға байланысты UEFA тарапынан қандай да бір тәртіптік шара қолданылатыны туралы ақпарат жарияланған жоқ.
Айта кетейік, Ұлттар лигасының B дивизионындағы топтық кезеңнің төртінші турындағы кездесу 1:1 есебімен аяқталды.
Матчтан соң Ирландия мен Израиль футболшылары бір-бірімен қол алыспаған. Командалар бұған дейінгі өзара кездесуде де матч соңында қол алысудан бас тартқан еді.