Футбол функционерлері Мәслихат депутаттығына үміткер атанды
"Жеңіс" футбол клубының бас директоры Давид Лория мен Астана мәслихатының қазіргі депутаты Азамат Айтхожин бар.
Қазақстан футболында басшылық қызмет атқарған бірнеше функционер Астана қаласы мәслихатының депутаттығына кандидаттар қатарына енді.
Олардың арасында "Жеңіс" футбол клубының бас директоры Давид Лория мен Астана мәслихатының қазіргі депутаты Азамат Айтхожин бар. BES.media мәліметінше, елорданың 17 бірмандатты округі бойынша барлығы 96 адам ұсынылған.
Давид Лория №14 округтен ұсынылды
"Жеңіс" футбол клубының бас директоры Давид Лория №14 бірмандатты аумақтық сайлау округі бойынша кандидат ретінде ұсынылған.
BES.media дерегінде оның кандидатурасын "Әділет" партиясы ұсынғаны көрсетілген.
Лория бұған дейін де Қазақстан футболында түрлі басшылық қызметтер атқарды. Ол "Астана" клубында, Қазақстан футбол федерациясында жұмыс істеп, 2026 жылдың маусымынан бері "Жеңістің" бас директоры қызметін атқарып келеді.
Азамат Айтхожин де сайлауға қатысады
Азамат Айтхожин №5 округ бойынша кандидаттар тізіміне енген.
Ол бұған дейін Астана қаласының дене шынықтыру және спорт басқармасын басқарды, "Жеңіс" пен "Астана" футбол клубтарында басшылық қызмет атқарды. Сондай-ақ Қазақстан футбол федерациясында бас хатшы және вице-президент қызметтерін атқарған.
2025 жылдың қазанында Айтхожин Қазақстан хоккей федерациясының бас директоры болып сайланған. Ол 2023 жылдан бері Астана мәслихатының VIII шақырылымының депутаты.
Спорт саласынан тағы кімдер бар?
Кандидаттар арасында спорт саласының басқа да өкілдері бар.
Атап айтқанда, "Астана" баскетбол клубының бас директоры Азамат Қабдылкәрімов пен қазіргі мәслихат депутаты Владислав Сергеев те сайлауға қатысуға ниет білдірген.
Астана 3-орын