Penalty.kz қосымшасыГол туралы бірінші біліңіз Ашу
Футбол
Бөлімдер

Қазақстан құрамасы ФИФА рейтингінде төмен сырғыды

Бұған Того мен Эстония құрамаларының соңғы матчтары әсер етті.

Матч беті Қазақстан 2:2 Словакия 16 қараша, дүйсенбі · Ұлттар лигасы, 6-тур Голдар мен құрамдар →
Қазақстан құрамасы ФИФА рейтингінде төмен сырғыды
asnews.kz

Футболдан Қазақстан құрамасы ФИФА-ның live-рейтингінде екі саты төмендеп, 119-орынға түсті. Бұған Того мен Эстония құрамаларының соңғы матчтардағы жеңістері себеп болды.

Ұлттар лигасында Қазақстан құрамасы өз алаңында Словакиямен 2:2 есебімен тең ойнаған еді. Осы нәтиже үшін ұлттық команда 4,07 ұпай қосып, жалпы көрсеткішін 1160,72 балға жеткізді. 

Того алты сатыға көтерілді

Кейін Того құрамасы Алжирді күтпеген жерден 3:0 есебімен жеңді. Бұл нәтиже командаға 20,97 ұпай әкеліп, рейтингте бірден алты саты жоғарылауға мүмкіндік берді. Того 1169,87 ұпаймен 114-орынға көтерілді.

Эстония құрамасы Болгарияны 2:1 есебімен жеңіп, рейтингіне 8,93 ұпай қосты. Нәтижесінде команда төрт саты жоғарылап, 1164,58 ұпаймен 118-орынға орналасты.

Ең жақын қарсылас саналатын Эстониядан қазақстандық команданы қазір 3,86 ұпай бөліп тұр.

Бұл туралы не ойлайсыз?
Клуб беті: Қазақстан