"Ақтөбе" 15 матчтағы алғашқы жеңісіне қол жеткізді
Қазақстан чемпионаты аясында өткен матчта ақтөбеліктер сырт алаңда "Ертісті" ірі есеппен жеңді.
"Ақтөбе" хоккей клубы Қазақстан чемпионатының тұрақты біріншілігінде алғашқы жеңісін тіркеді. Ақтөбеліктер сырт алаңда Павлодардың "Ертісін" 5:2 есебімен жеңді.
Кездесуде есеп 19-минутта ашылды. Көпшілік құрамда ойнаған сәтті Максим Базанов тиімді пайдаланып, қонақтарды алға шығарды.
Екінші кезеңде "Ақтөбе" басымдығын арттыра түсті. 28-минутта Станислав Александров шайба соқса, 40-минутта Ғалиасқар Айыпов есепті 3:0-ге жеткізді.
Үшінші кезең басталғаннан кейін Александров тағы бір шайба соғып, дубль авторы атанды. Осылайша, есеп 4:0 болды.
"Ертіс" есеп айырмасын қысқартты
44-минутта Дмитрий Пидяшов "Ертістің" алғашқы шайбасын соқты.
Алайда төрт минуттан кейін Ян Хоменко "Ақтөбенің" төрт шайбалық басымдығын қайта қалпына келтірді.
50-минутта павлодарлық Адам Евлоев тағы бір шайба соғып, матчтың қорытынды есебін белгіледі – 2:5.
15 матчтан кейінгі алғашқы жеңіс
Бұл "Ақтөбенің" биылғы чемпионаттағы 15 матчтан кейінгі алғашқы жеңісі болды.
Команда үш ұпай жинап, турнир кестесінде соңғы орынның алдындағы сатыда тұр. Ал "Ертіс" бір ұпаймен кестенің соңғы орнына жайғасқан.
Ертіс 11-орын